حبل الكذب قصير

يحكى بكري انو كانت بنت مريضة من عقلها ومن قوة الغرور انتاعها حسبت روحها اميرة جا عليها الزمان وصبح الغاشي ما يقيمهاش امالا اخترعت كذبة انها عايشة الحقرة والاهمال من والديها كي ما جابلهاش الموضوع السوكسي قالتلك لازم نبلي روحي بمرض ما يتداواش ما قالت لاكتر من 10000شخص انها مصابة بمرض خبيت الناس كي سمعت الخبر تشوكات ولات تدعيلها لانها صغيرة في العمر وحرام يخطفها الموت وهي في ربيع العمر الناس بالكل ولات تدعي وتطلب الشفا من المولى العظيم لحد هما جابلي ربي تعرفو قاع الحكايا لانها من الترات الشعبي ..............................................................................................................................................................................
المغرورة سافرت للبعيد باش اتدوي وولات لبلاد الاحلام في 24س ودخلت في مستشفى 5نجوم يسموه سبيطار باشيراتون ولاباس عليها وجها صحيح وتقابل بيه تهدر مع الغاشي بلي ما علابالهاش واش بيها حتى تسقسي باباها ولان حبل الكذب قصير كي قلقوها الغلشي باسئلتهم قالتلهم راني رايحة نولي لفرنسا باش اندوي والحاكمين في البلاد اتصلو بيها ودرولها فخة وتبعو قاع حكايتهاووقت الرسائل والتواريخ وصابوها بلي تكذب وخرج قرار رسمي من حكانم لبلاد باش ينفي المتهمة بالغرور دون رجعة الى سلة المهمالات
نتمنى تعجبكم الحكاية وما تمشيوش في طريق الغرور لانو ماشي صحيح

والله عمري ما تاثرت بمواضيع المنتديات الا هذاك الموضوع قتلني
واحنا اللولين اللي كشفناها يا نوال كان تشفاي وقلنا يجي النهار اللي يكشفها ربي
وضحيلي نوال كيفاه تفرشت بالضبط
عموما ربي وكيلها ويشفيها من المرض العقلي

كل عضو في المنتدى عندو بيانات تاعو عند بنك البيانات في المنتدى امالا المشرفين الله يذكرهم بخير كانو يتبعو من كانت تتصل ويقارنو الساعات بدقيقة بالتانية وكشفوها مع الاخير قا لت للمشرف تع الركن انها كانت تكذب واعترفت وسقط القناع راني نشفى نهار كتبتلك رسالة خاصة ندوش وقعدنا نحكو وكنت حشمانة من روحي كي شكيت فيها هكداك وقلت لازم نهدر مع كيش وحدة وخيرتك انتي لانك الاقرب ليا وحكيت معاك ونهار فضحت بنت خالتها من التم بدات الحكاية تبان ندى بلاك حكيتلك انو امي كان عندها المرض ماشي في رسها وهكذاك كانت تعاني وامي اكتشفاتو مبكر لانو ختي طبيبة وكان في مصطفى باشاونعرف مليح داك السبيطار
الحمد لله على نعمة العقل ندى الحمد لله

كشفها ربي خطراه لعبت بالناس بالملايين ماو واحد ماو زوج
المهم كلي فيلم تفرجناه وفات وهي الخاسرة الوحيدة
وحنا ربحنا بعضانا

يا ابتسا م يلزملي وقت باش نوالف مكان الخطوط والتكبير ديجا قوليلي وين اندير الصورة الشخصية والتوقيع فليت قاع المنتدى وما صبتهومش

يا ابتسام اولا ديرلنا توقيت الدزاير
ثانيا الخط ماحبش يكبر عندي والصور ثاني
كيما نوال في منتدى اللمة مايظهرلها والو
شوفولي حل

حرام عليك عامين وانا نطول في شعري يا ابتسام

الكذب حرام و الله غير عيب عليها